Երկուշաբթի, 20 հուլիսի, 2026 թ.
|
Ստեփանակերտում`   +20 °C

«Դպրոցի տնօրենների 90 տոկոսին վտարել դպրոցներից». Սամսոն Գրիգորյան

«Դպրոցի տնօրենների 90 տոկոսին վտարել դպրոցներից». Սամսոն Գրիգորյան
385
Երկուշաբթի, 12 դեկտեմբերի, 2022 թ., 00:12

«Կասեցում» շարժման ղեկավար, գործարար Սամսոն Գրիգորյանը ֆեյսբուքյան իր էջում գրել է. «Ու նմանատիպ անթիվ, անհամար հաղորդագրություններ։
Մեր սահմանափակ շրջապատում շատ բան չենք տեսնում, իրականությունն այլ է։
Իրականում երկրում ունենք բազմահազար թերկրթված քաղաքացիներ, ովքեր էլ դառնում են խաղամոլության, թմրամոլության, վարկային կախվածության, դավաճանության, հանցագործության, աղքատության և այլ ախտերի գերիներ։
Պնդում եմ, որ գրել-կարդալ չիմացողը, այլ տարրական գիտելիքներում էլ նման մակարդակ ունի։
Իրենք լուսնից չեն իջել, սովորել են մեր դպրոցներում, մեր ուսուցիչների մոտ, ապրում են մեր կողքին։
Մի պահ գլուխներդ կոմֆորտ զոնայից հանեք և տեսեք՝ ինչ է կատարվում շուրջբոլորը։
Հայաստանի Հանրապետության մոտ ապագայի ռազմավարության առաջին կետում պետք է խոշոր տառերով գրվի՝ ապահովել կրթություն, խիստ վերահսկողության տակ վերցնել կրթօջախները, ԿԳՄՍ նախարարության ամբողջ կազմը թափ տալ, դպրոցի տնօրենների 90 տոկոսին վտարել դպրոցներից, պահանջ դնել՝ պարտադիր գիտական աստիճան, տասնյակ տարիների մանկավարժական փորձ, բարոյական բարձրագույն նկարագիր»: