«Լիպարիտյանն ասաց, որ ինքը պատրաստ է, Օսկանյանը պատասխանեց, որ պատրաստ չէ». Անդրանիկ Քոչարյան

Այսօր խորհրդարանական ճեպազրույցի ընթացքում ՔՊ-ական Անդրանիկ Քոչարյանը մանրամասնել է՝ ի՞նչ փուլում են 44-օրյա պատերազմի հանգամանքներն ուսումնասիրող քննիչ հանձնաժողովի աշխատանքները․ «Ում ենք հրավիրելու հանձնաժողով, եթե շատ մտածեք՝ բոլորիդ համար ակնհայտ կլինի, բայց այստեղ խնդիր կա, որովհետև, եթե նկատեցիք՝ դեռ առաջին հրավերը, որ մենք ուղարկեցինք արտաքին բլոկին վերաբերվող՝ Վարդան Օսկանյանին, Ժիրայր Լիպարիտյանին և այլն․․․ Լիպարիտյանը զանգահարեց ինձ և ասեց, որ ինքը պատրաստ է, Օսկանյանը հեռավար ասեց, որ ինքը պատրաստ չի, Մովսես Հակոբյանը նաև ինչ-որ հայտարարություններով էր հանդես եկել։ Կլինի օրենսդրական նախաձեռնություն ԱԺ-ում, որը մշակված է և երևի հունվար ամսին կդրվի շրջանառության մեջ, կանոնակարգ օրենքում խստացումներ նախատեսող՝ հրավիրյալների չներկայանալու դեպքում»,- հայտնել է Քոչարյանը։