«Մեր տեղեկություններով ՌԴ-ն պատրաստվում է հասցեական հայտարարություն անել, հուսանք այս անգամ հուսախաբ չեն անի»․ Ալեն Սիմոնյան

ԱԺ արտահերթ նիստի ընթացքում ԱԺ նախագահ Ալեն Սիմոնյանը, խոսելով ադրբեջանցիերի կողմից Լաչինի միջացնքի փակման մասին, նշել է․ «Նման գործողություններով մեզ բան պարտադրել չի լինի՝ թեկուզ այն բանից ելնելով, որ էլ տեղ էլ չկա որևիցե բան պարտադրելու, մենք դրա մասին ասել ենք, ու կարծում եմ, որ իմ ակնարկը տեղ կհասնի ու կհասկանան, որ այս տարբերակը չի աշխատի»։

«Պետք է երկարաձգվի ռուս խաղաղապահների մանդատն Արցախում։ Մեր տեղեկություններով Ռուսաստանը պատրաստվում է հասցեական հայտարարություն անել, դրան հայ ժողովուրդը վաղուց է սպասում, հուսանք՝ այս անգամ հուսախաբ չեն անի մեր գործընկերները»,- հայտնել է Սիմոնյանը՝ ընդգծելով, որ պետք է դիտարկել նաև միջազգային այլ ֆորմատների միջոցով Արցախում հսկողություն իրականացնելը։