«Ֆուտբոլային ու առհասարակ սպորտային հոգեխանգարմունքը դարձել է տհաճ ու անտանելի»․ Արա Արայան

Վերլուծաբան Արա Արայանը ֆեյսբուքյան իր էջում գրել է. «Ֆուտբոլը վերածվում է Եվրոտեսիլի: Ֆուտբոլային ու առհասարակ սպորտային հոգեխանգարմունքը դարձել է տհաճ ու անտանելի: Երբ աշխարհում խաղաղություն էր, սպորտային ու տարատեսակ կրկեսները դեռ տանելի էին:
Սպորտն ու հատակպես ֆուտբոլը վերածվել է կռապաշտության: Կռապաշտների մի մասը ապացուցում է, որ Մեսսին է ամենակարող կուռքը, մյուս մասը՝ Ռոնալդուն, կամ Մարադոնան ու Պելեն...
Եվ այս ամբոխային էքստազի մեջ կորում է սպորտի ու ֆուտբոլի գեղեցկությունը, խոսքն ընդամենը պրիմիտիվ խաղի մասին է:
Իսկ թե ինչպիսի այլանդակություն են իրենցից ներկայացնում Օլիմպիադա կոչված մեգա կրկեսները, տեսել ենք բազմիցս: Կոռուպցիա, ազգայնականություն, շովինիզմ, մաֆիա, դոպինգ: Կաշառքով ու կոռուպցիոն սխեմաներով Քաթարը դառնում է աշխարհի առաջնություն անցկացնող երկիր, հարավային գոտում գտնվող Սոչին, ձմեռային օլիմպիադայի անցկացման վայր, օրինակները բազմաթիվ են:
Քանի՞ մարդ է ճանաչում մեծ գիտնականներին, ովքեր գիշեր ու ցերեկ աշխատում են հանուն մարդկության բարօրության:
Բայց էս մեկը մյուսից ապուշ դեմքերով ֆուտբոլային աստղերին ճանաչում են միլիարդավոր մարդիկ: Եվ ի տարբերություն գիտնականի, աշխարհին ռեալ օգուտ տվող այլ մասնագետների, սպորտային ու շոու բիզնեսի դեբիլիկները լողում են միլիոնների մեջ և ոչ մի էական օգուտ չեն տալիս...
Գովազդային բիզնեսը մեծ չարիք, կռապաշտության մեծ խռանիչ է: Գովազդն անջատվի սպորտը կնմանվի սպորտի...
Եվ ոչ միայն սպորտը»: