«Ինչ խոսում եք Արցախից, խոսում եք՝ փող ենք տալիս, փող ենք տալիս»․ Գեղամ Մանուկյան

ԱԺ արտահերթ նիստի ընթացքում «Հայաստան» խմբակցության պատգամավոր Գեղամ Մանուկյանն Անվտանգության խորհրդի քարտուղար Արմեն Գրիգորյանին հարց ուղղեց՝ «Դուք վերահաստատո՞ւմ եք արդյոք, որ ՀՀ-ն Արցախի անվտանգության երաշխավորն է, ինչպես արձանագրված է Կառավարության 2021-2026 թվականների ծրագրում», որին Գրիգորյանն արձագանքեց․ «Դա ասելով չի, գործով են ապացուցում, և իշխանությունը գործով դա ապացուցել է․ անցած տարի մոտ 200 մլրդ ֆինանսական աջակցություն է տրամադրվել, և դա ոչ միայն սոցիալ-տնտեսական, այլև անվտանգության հարցեր է լուծում և այստեղ երկրորդ կարծիք չի կարող լինել»։

Մանուկյանը Գրիգորյանի պատասխանին արձագանքեց․ «Նորից չպատասխանեցիք հստակ մի հարցի․ միջազգային պրակտիկայում եղել է խաղաղություն՝ հողի դիմաց, հող՝ խաղաղության դիմաց, բայց ձեզ համար դարձել է այլևս ծրագրային՝ հող փողի դիմաց։ Ինչ խոսում եք Արցախից, խոսում եք՝ փող ենք տալիս, լավ, գոնե բոլորը խոսեն, գոնե ով, ով, դուք Արցախի հետ հարաբերությունները փողայինի մի՛ վերածեք, գոնե դուք՝ ծնունդով արցախցի․․․»։

ԱԽ քարտուղարը պատգամավորի արձագանքն անպատասխան թողեց։