«Եվրոպական դատարանից ակնկալիքները շատ բարձր չեն»․ Եղիշե Կիրակոսյան

Միջազգային իրավական հարցերով ՀՀ ներկայացուցիչ Եղիշե Կիրակոսյանը մամուլի ասուլիսի ընթացքում, անդրադառնալով Եվրոպական դատարանի կողմից Հայաստանի պահանջը բավարարելուն և Ադրբեջանի նկատմամբ «Լաչինի միջանցքով» անցնող ճանապարհի արգելափակման հետևանքով քաղաքացիական բնակչության իրավունքների խախտումները վերացնելու համար միջանկյալ միջոցներ կիրառելու որոշմանը, նշել է․ «Ամեն դեպքում, ակնհայտ է, որ դատարանից ակնկալիքները մեզ մոտ հասկանալի պատճառներով շատ բարձր չեն, որովհետև գիտենք, որ դատարանը ունի նախ՝ հստակ շրջանակներ իրավական տեսանկյունից այսպիսի միջոցներ կիրառելիս, այսինքն՝ ինքը անսահմանափակ չի գործում, երկրորդ՝ նմանատիպ բարդ, կոնֆլիկտային գործերի մեջ մտնելուց դատարանը սովորաբար խուսափում է։ Հաշվի առնելով այս հանգամանքները՝ մենք մեր ակնկալիքները ձևակերպել ենք»։