«Զգացմունքները չպետք է խանգարեն աշխատելիս»․ Գրիգոր Մինասյանը՝ հոր քրգործի մասին

Այսօր՝ Կառավարության նիստից հետո, ճեպազրույցի ընթացքում Արդարադատության նախարար Գրիգոր Մինասյանը լրագրողի հետևյալ հարցին՝ «արդյոք իր հոր քրգործին ծանոթացե՞լ է, համարո՞ւմ է, որ նա իսկապես պետք է պատժվի իր արարքների համար։ Զգացմունքային առումով իրեն չի՞ խանգարում, չի՞ կաշկանդում աշխատել մի մարդու հետ, որը քրեական հետապնդում է սկսել իր հոր և եղբոր նկատմամբ», արձագանքել է․ «Ձեր հարցն անձնական բնույթի է, թույլ տվեք չանդրադառնալ։ Ես աշխատում եմ և աշխատելու եմ որպես Արդարադատության նախարար՝ օրենքով սահմանված իմ լիազորությունների շրջանակում, և որևէ ձևով զգացմունքները, էմոցիաները չպետք է մարդուն խանգարեն, երբ դու իրականացնում ես քո աշխատանքը»։