«Արցախցիները փորձում են պայքարի նոր գործիքակազմ գտնել»․ Արշակ Աբրահամյան

«Փորձում են հուսալքել արցախահայությանը, որպեսզի նրանք թողնեն, հեռանան, և Արցախը հայաթափվի, բայց տեսնում ենք, որ այդ ամենի ճիշտ հակառակն է տեղի ունենում: Արցախցիները փորձում են պայքարի նոր գործիքակազմեր գտնել՝ ստեղծված իրավիճակից դուրս գալու համար»,- այս մասին 168 TV-ի եթերում անդրադառնալով Ադրբեջանի կողմից Արցախի շրջափակմանը՝ հայտարարել է Արցախի «Արդարություն» կուսակցության ԵԿ նախագահ Արշակ Աբրահամյանը:
Արցախցիները չեն կարծում, որ ՀՀ-ը ձեռքերը լվացել է Արցախից, Աբրահամյանի խոսքով, «Հայաստանի իշխանությունը զավթած քաղաքական խունտան է փորձում ամեն կերպ ձերբազատվել Արցախից»։
«Հայաստանի քաղաքական իշխանությունից մենք այլևս հայանպաստ գործողություններ չենք ակնկալում, նրանք ձեռքերը ծալած նստել, սպասում են, թե Արցախը որքան կարող է գոյատևել՝ նման պաշարման պայմաններում: Նրանց գործելաոճը ի սկզբանե եղել է հակաարցախյան, և ընդհանրապես՝ հակահայկական։ Այս պայմաններում նրանցից հայանպաստ որոշումներ սպասելը մինիմում միամտություն է»,- ասել է Աբրահամյանը։