Երկուշաբթի, 23 փետրվարի, 2026 թ.
|
Ստեփանակերտում`   +6 °C

Լինդսի Սնելը բացահայտել է ևս մեկ զինվորական-«բնապահպան» ադրբեջանցու

Լինդսի Սնելը բացահայտել է ևս մեկ զինվորական-«բնապահպան» ադրբեջանցու
250
Երկուշաբթի, 09 հունվարի, 2023 թ., 18:48

Ամերիկացի հետաքննող լրագրող Լինդսի Սնելը Թվիթերի իր միկրոբլոգում անդրադարձել է Լաչինի միջանցքը փակած ադրբեջանցի «բնապահպաններին»։ Սնելը, որ ավելի վաղ բացահայտել էր, թե ինչպես են հանգստանում իրենց բնապահպան կոչող ադրբեջանցիները, ներկայացրել է ևս մեկ զինվորականի, որը մասնակցում է միջանցքի արգելափակմանը՝ դարձյալ ներկայանալով որպես «բնապահպան»։
«Լաչինի միջանցքը փակած և 120 հազար հայի Լեռնային Ղարաբաղում շրջափակման մեջ թողած ադրբեջանցի ևս մեկ «բնապահպան»,- գրել է լրագրողը՝ նշելով, որ արդեն 29 օր է, ինչ Ադրբեջանը շրջափակման մեջ է պահում ԼՂ-ի ժողովրդին: Սնելը իր գրառմանը կից ներկայացրել է նաև Բերձորի միջանցքը փակած ակտիվիստների շարքերը համալրած երիտասարդի՝ ավելի վաղ արված ևս մեկ լուսանկար, որում այդ տղան զինվորական համազգեստով է: