«Ո՞վ է ասել, որ այդ նույն այլընտրանքային ճանապարհը երաշխավորված է»․ Ն․ Փաշինյան

«Արցախին կապող այլընտրանքային ճանապարհը կառուցելու սցենար եղել է, բայց հենց գետնի վրա իրականությունն այդքան պարզ չէ»,- լրագրողների հետ հանդիպման ընթացքում՝ անդրադառնալով այն հարցին, թե Հայաստանի կառավարությունը իրենից կախված ամեն ինչ արե՞լ է, որ Արցախը Հայաստանին կապող ճանապարհ ունենա, ասաց վարչապետ Նիկոլ Փաշինյանը։

Շարունակելով խոսքը՝ ասաց․ «Մենք այդ ուղղություններով աշխատել ենք․․․ ո՞վ է ասել, որ այդ նույն այլընտրանքային ճանապարհը երաշխավորված է, ո՞վ կարող էր ասել, որ ճանապարհը կարող էր փակվել միայն այդտեղ և չէր կարող փակվել դրանից մեկ կիլոմետր այն կողմ»։