«Ունենք այնպիսի իշխանություն, որը ՀՀ-ում իրականացնում է ադրբեջանական իշխանությունների կամքը». Արտաշես Գեղամյան

«Ամենևին պատահական չէ, որ այսօրվա ասուլիսում Փաշինյանը հերթական անգամ վերահաստատեց իր հետևողականությունը՝ ԼՂ-ն վերջնականապես Ադրբեջանին հանձնելու, ՌԴ խաղաղապահների համար այնպիսի մթնոլորտ և իրավիճակ հրահրելու, որ նրանք հարկադրված լինեն դուրս գալ այդտեղից, և հաջորդ քայլը՝ Գյումրիի ռուսական ռազմաբազանն ՀՀ-ից դուրս բերելը»,- «Հայելի» ակումբում անդրադառնալով Նիկոլ Փաշինյանի՝ ավելի քան երեք ժամ տևած ասուլիսին, նման համոզմունք է հայտնել նախկին պատգամավոր Արտաշես Գեղամյանը։
Ըստ Գեղամյանի՝ Փաշինյանի այսօրվա ասուլիսը հիմնավորեց բոլոր այն գնահատականները, որոնք տրվել էին թե՛ իր, թե՛ ընդդիմադիր դաշտի գործընկերների կողմից․ «Ի դեմս Փաշինյանի՝ մենք ունենք այնպիսի իշխանություն, որը ՀՀ-ում իրականացնում է ադրբեջանական իշխանությունների կամքը, որոնք իրենց հերթին ուղղորդվում են Թուրքիայի, Մեծ Բրիտանիայի և ԱՄՆ-ի կողմից»,- ասել է նախկին պատգամավորը։