«Կառաջարկեմ Փաշինյանին գալ, տեսնել՝ ինչքան մեծ դեր է խաղում ռուս խաղաղապահը»․ Ռուբեն Վարդանյան

Լրագրողի հարցին՝ արդյոք համաձա՞յն է Նիկոլ Փաշինյանի այն հայտարարության հետ, ըստ որի՝ ռուս խաղաղապահները չեն կատարում իրենց պարտականությունները, Արցախի պետնախարար Ռուբեն Վարդանյանն արձագանքել է․ «Ես չեմ ցանկանա մեկնաբանել քաղաքական գործչի խոսքերը և ուղղակի կառաջարկեմ՝ եթե նման կարծիք կա, գալ մեր կողքին կանգնել և տեսնել՝ ինչքան մեծ դեր է խաղում ռուս խաղաղապահն այսօրվա իրավիճակում այստեղ։ Եթե չլինեին ռուս խաղաղապահները, մենք կարող է շատ ավելի դժվար իրավիճակում լինեինք, դրա համար քննադատելը շատ հեշտ է՝ դրսում ապրելով, մենք ստեղ տեսնում ենք իրենց ծանր իրավիճակը։ Քննադատելով մենք միայն կօգնենք Ադրբեջանին, որը երազում է՝ երբ են ռուս խաղաղապահներն այստեղից դուրս գալու»,- ասել է պետնախարարը։