«Ընդդիմության բոլոր շերտերի գլխավոր ձախողումը գալիս է այստեղից». Աբրահամ Գասպարյան

Լրագրող, քաղաքագետ Աբրահամ Գասպարյանը «Ոսկանապատ» վերլուծական կենտրոնում կազմակերպված «Ինչպե՞ս փրկել Արցախը» խորագրով քննարկման ընթացքում կոչ է արել դուրս գալ Երևանի հարմարավետ գոտուց և շրջել գյուղերով. «Գյուղում մարդիկ ասում են՝ լոլոներ մի՛ կարդա, ի՞նչ անվտանգություն, ես 25-30 տարի ասֆալտ չեմ ունեցել, եկավ ասֆալտը փռեց, լուսավորությունը կա, ջրի խնդիրն էլ լուծված է, մնացածը՝ ես թքած ունեմ»:
Գասպարյանի խոսքով՝ ժողովրդին անտարբերության, ժամանակավոր ստեղծված թվացյալ կոմֆորտ զոնայից դուրս բերելու համար պետք է մարդկանց հետ խոսել. «Ընդդիմության բոլոր շերտերի գլխավոր ձախողումը գալիս է այստեղից՝ Երևանը դարձնելով հայկական ցիվիլիզացիայի կենտրոնը, պետք է ոչ թե Երևանի կենտրոնում կանգնել ասել՝ «ժողովուրդ, եկեք միացեք», այլ մարդկանց բացատրել, տքնաջան աշխատանք տանել այդ ամենի համար»,- շեշտել է Գասպարյանը: