«Ձգե՛ք գոտիները». Համաշխարհային բանկի նախագահը կանխատեսում է ցածր տնտեսական աճ

Համաշխարհային բանկի նախագահ Դեյվիդ Մալփասը 2023-2024 թվականներին համաշխարհային տնտեսական ցածր աճ է կանխատեսել։
«Կարծում եմ, որ դա երկարատև դանդաղում է... Պատճառը գնաճի համառությունն է, նոր ներդրումների նվազումը, որն արդեն տեղի է ունենում, եթե մեկ տարի, երկու տարի առաջ նայեք, դժվար է նկատել զգալի վերականգնում։ Կարծես թե տնտեսական զարգացման դանդաղում կնկատվի 2023-2024 թվականներին»,- ասել է Մալպասը։
Նա նաև կոչ է արել պետություններին ավելի արդյունավետ ծախսել իրենց միջոցները՝ «ձգել գոտիները»։