«Սա առիթ էր, որ բորենիների մի խումբ թիրախավորի բանակը և բանակի կառավարումը»․ Անդրանիկ Քոչարյան

«Հրդեհի պատճառները խորությամբ ուսումնասիրելու համար երեկ ես մեր խորհրդակցության վերջում հանձնարարեցի, խնդրեցի որպեսզի ուժային կառույցները և զինվորական ղեկավարությունը գոնե մեկ օրվա կտրվածքով վերականգնեն ամբողջ պատկերը՝ առավոտվանից մինչև հրդեհի պահը, և դրանից հետո մենք հասկանանք՝ որտեղ, ինչ թերացում է եղել, իսկ թերացումներն ակնհայտ են հենց առաջին հայացքից»,- ՀԸ-ի տաղավարում, Պետրոս Ղազարյանի հետ հարցազրույցի ժամանակ, ասաց ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը՝ անդրադառնալով Ազատ գյուղում բռնկված հրդեի հետևանքով 15 զինծառայողների մահվան տարատեսակ պատճառներին։

«Պահպանված չեն ոչ միայն հրդեհային անվտանգության կանոնները, այլև, ընդհանրապես, անվտանգությանն առնչվող շատ-շատ կաննոններ ևս՝ հարաբերությունների, միջանձնային հարաբերությունների․․․ բազմաթիվ խնդիրներ կան»,-նշեց Քոչարյանը՝ հավելելով․ «Սա առիթ էր, որ էսպես ասած՝ բորենիների մի խումբ թիրախավորի բանակը և բանակի կառավարումը»։