Շաբաթ, 19 հուլիսի, 2025 թ.
|
Ստեփանակերտում`   +20 °C

ՔՊ-ի «սրտի օլիգարխը» խորհրդարանում հանդիպել է Վաղարշակ Հակոբյանին. «Ժողովուրդ»

ՔՊ-ի «սրտի օլիգարխը» խորհրդարանում հանդիպել է Վաղարշակ Հակոբյանին. «Ժողովուրդ»
220
Երեքշաբթի, 24 հունվարի, 2023 թ., 09:18

ՔՊ-ի «սրտի օլիգարխ» Նարեկ Նալբանդյանը երեկ եկել էր խորհրդարան: «Ժողովուրդ» օրաթերթին հայտնի է դարձել, որ օլիգարխն ԱԺ է եկել թիկնապահների ուղեկցությամբ, սակայն թիկնապահներին թույլ չի տրվել մտնել խորհրդարանի շենքից ներս: Վերջինի այցի ժամանակ երթևեկությունն է անգամ խաթարվել, քանի որ նրա ավտոշարասյունը ճանապարհներ է փակել՝ խցանումներ առաջացնելով:

«Ժողովուրդ» օրաթերթի տեղեկություններով՝ վերջինը խորհրդարանում հանդիպել է ՔՊ խմբակցության պատգամավոր, Եվրասիական հարցերով հանձնաժողովի փոխնախագահ Վաղարշակ Հակոբյանին, որը զբաղեցնում է հանձնաժողովի նախագահի թափուր սենյակը: «Մեր աղբյուրները հայտնեցին, որ վերջինը Վաղարշակ Հակոբյանի մոտ է գնացել ՔՊ խմբակցության պատգամավոր Խաչատուր Սուքիասյանի հորդորով: Ինչպես հայտնի է, Նարեկ Նալբանդյանը հենց գործող իշխանությունների աջակցությամբ է դարձել օլիգարխ:

Իշխանությունների շնորհիվ նա ձեռք է բերել Ծաղկաձոր քաղաքի «Գոլդեն Փելիս» հյուրանոցային համալիրը 5 մլրդ դրամով «փակովի» տարբերակով: Նարեկ Նալբանդյանը նաև ՀՀ նախկին վարչապետ Հովիկ Աբրահամյանի՝ կալանքի տակ գտնվող առանձնատան վաճառքի գնորդն էր. այդ գործարքը կատարվել էր կասկածելի ճանապարհով և պայմաններում»:

Մանրամասները՝ թերթի համարում:

Կարդացե՛ք նաև