«Տե՛ր եղեք ձեր զինվոր զավակներին». Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրում է. «Զինակոչիկների հարգելի ծնողներ, ուրախ եմ, որ ձեր զավակներին հանդիսավոր կերպով բանակ եք ուղարկում։ Սակայն դուք պետք է ժամկետային ծառայության երկու տարվա ընթացքում տեր լինեք ձեր որդիներին, իմանաք, թե նրանց խրամատը նորմալ փորված, ամրացվա՞ծ է, թշնամու ԱԹՍ-ներից, ռմբակոծություններից պաշտպանվելու թաքստոց կա՞, սնունդը, համազգեստը, գիշերակացի պայմանները նորմա՞լ են։ Դա չեք անում, հույսներդ իր զորավարական ունակությունների վրա կասկածողների վրա մուննաթ եկած Նիկոլ Փաշինյանի, բանակում իր հրամանատարին դանակահարելու համար ազատազրկված, ՊՆ Սուրեն Պապիկյանի, սուտ խոսող, ԳՇ պետ Էդուարդ Ասրյանի վրա ե՞ք դրել։ Տեր եղեք ձեր զինվոր զավակներին, խնդիրների դեպքում, թեկուզ անանուն, ահազանգեք պետական մարմիններ, իրավապաշտպաններին, լրագրողներին եւ այլոց։ Խաչին տերն է զորացնում։ Անփորձանք և խաղաղ ծառայություն մեր զինվորներին և սպաներին»: