«Վտանգավոր բան չեմ տեսնում Գուրգեն Արսենյանի հայտարարության մեջ». Սարգիս Խանդանյան

Ազգային ժողովը քննարկում է Արտաքին հարաբերությունների մշտական հանձնաժողովի նախագահի պաշտոնում «Քաղաքացիական պամանագիր» խմբակցության պատգամավոր Սարգիս Խանդանյանի թեկնածության հարցը:

«Հայաստան» խմբակցության պատգամավոր Լիլիթ Գալստյանը Խանդանյանից հետաքրքրվեց՝ ինչպե՞ս է վերաբերվում իր կուսակից Գուրգեն Արսենյանի՝ փետրվարի 3-ին արած հայտարարությանը, ըստ որի՝ «անընդհատ 120 հազար Ղարաբաղի բնակիչ... 3 մլն ՀՀ բնակիչներ՝ պատասխանատու ենք մենք էդ մարդկանց համար, պատասխանատու ենք մեր երկրի համար, առաջնայնությունները ճի՛շտ դրեք».

«Ես լսել եմ պարոն Արսենյանի ելույթը, և ես տեսել եմ այն մանիպուլյացիաները, որոնք ինձ համար տարակուսելի են: Ես չեմ կարծում, որ Արսենյանը ասել է որևէ վտանգավոր բան, նա խոսել է ՀՀ պետական շահի և ՀՀ առաջնահերթությունների մասին»,- արձագանքել է Խանդանյանը: