«ԼՂ-ում խնդրի առկայությունը չի նշանակում, որ պետք է կորցնենք մեր մարդկությունը». Էկոնոմիկայի նախարար

«Պետք է մասնակցենք բնական աղետի պատճառով տուժածներին օգնելու գործին: Ընդհանուր առմամբ, ՀՀ-ը պետք է ավելի մեծացնի իր համագործակցությունն աշխարհի բոլոր երկրների հետ՝ այդ թվում հումանիտար առումով: Ունենք հումանիտար աղետ նաև ԼՂ-ում ու էնտեղ խնդրի առկայությունը չի նշանակում, որ պետք է կորցնենք մեր մարդկությունն ու մարդկայնությունը»,- Կառավարության նիստից հետո լրագրողների հետ զրույցում ասել է Էկոնոմիկայի նախարար Վահան Քերոբյանը՝ անդրադառնալով Թուրքիա փրկարարներ ուղարկելու և Արցախի շրջափակման թեմաներին: Նրա խոսքով, աջակցությունն օրինակ է՝ ցույց տալու, որ պատրաստ ենք համագործակցության, լավացնելու հարաբերությունները: