«Տնտեսական հարցերը քննարկելիս՝ պետք է դահլիճի մյուս կողմում նստեք». Խաչատրյանը՝ Սուքիասյանին

ԱԺ հերթական նիստում «Արդյունաբերական քաղաքականության մասին» օրենքում լրացում կատարելու մասին հարցի քննարկման ժամանակ ՔՊ-ական պատգամավոր Խաչատուր Սուքիասյանը, դիմելով ընդդիմադիրներին, ասել է. «Երբ դուք ուզում եք ՀՀ-ում արդյունաբերությունը զարգանա, դուք երկու ձևով եք մտածում, մի ձևով չեք մտածում՝ արդյունաբերական քաղաքականության ամբողջականությամբ չեք մտածում, ուրեմն լսեք. ընդհանրապես ավիաընկերությունների մեջ շատ մեծ մրցակցություն կա, պետք է ամեն ինչ անեք, որ ազգային ավիաընկերություններ լինեն, որովհետև նրանք մրցում են աշխարհի հզոր կազմակերպությունների հետ, եթե դուք շատ եք ուզում՝ այդ կազմակերպությունները գան և հայկական փոխադրողներին ճնշեն, դա ձեր ուզած արդյունաբերական քաղաքականության հակառակ տրամաբանությունն է»:

Ի պատասխան՝ ընդդիմադիր Արթուր Խաչատրյանն արձագանքել է. «Պարո՛ն Սուքիասյան, ինձ մեկ-մեկ թվում ա, որ տնտեսական հարցերը, երբ քննարկում ենք, դուք պետք ա դահլիճի մյուս կողմում նստեք, որովհետև, երբ «Ռայն Էյրը» մտավ ՀՀ, բոլորը գոհ էին, մենք էինք ասում՝ ժողովո՛ւրդ, Քաղավիացիայի վարած քաղաքականության հետևանքով հայկական ավիաընկերությունների թռիչքը դեպի Եվրոպա արգելվել է: Դրա համար եմ ասում՝ ստեղ պետք ա նստեք, որ տնտեսական հարցերը քննարկենք»: