«Պատկերացնո՞ւմ եք աշխարհի միլիարդատերերի դեմքի արտահայտությունը». Արթուր Ղազինյան

ԱԺ նախկին պատգամավոր Արթուր Ղազինյանը ֆեյսբուքյան իր էջում գրում է. «Ռուսաստանի գլխավոր կոմունիստ Զյուգանովը կոչ է արել աշխարհի միլիարդատերերին միջոցներ հատկացնել Թուրքիայի երկրաշարժի հետևանքները վերացնելու համար:
Պատկերացնում ե՞ք աշխարհի միլիարդատերերի դեմքի արտահայտությունը՝ Ռուսաստանի ցմահ գլխավոր կոմունիստի այս կոչը լսելիս:
Զավեշտալի է այն փաստը, որ միջազգային կապիտալիզմի դեմ պայքարող բոլշևիկը կոչ է անում կապիտալիստ միլիարդատերերին գումարներ զոհաբերել Թուրքիայի համար, մինչդեռ Ռուսաստանն այսօր այդ միջոցների կարիքն ավելի շատ ունի:
Բայց կոմունիստի ուշքն ու միտքը Թուրքիան է, շատ է ցավում իր գաղափարական հայրերի կողմից ստեղծած Թուրքիայի համար: Նա դեռ կարծում է, թե Լենին-Աթաթուրք պակտը գործում է և Թուրքիան՝ լինելով ՆԱՏՕ-ի անդամ, պատրաստվում է միանալ աշխարհի պրոլետարիատին և կերտել համաշխարհային կոմունիզմ:
Սա արդեն բժշկական ախտորոշում է, գենետիկ կոդի վրա ամուր նստած դեֆեկտ...»: