ՊՆ նախկին շենքի բնակիչները կգիշերեն դրսում

Ինչպես արդեն հայտնել ենք, ՊՆ նախկին շենքը Կառավարություննը հատկացրել է ՊԵԿ-ին, իսկ այնտեղ բնակվող քաղաքացիներին այսօր առավոտյան ոստիկանական ուժերով հանել են դուրս: Բնակիչներն առավոտվանից չեն լքում տարածքը, բողոքի ակցիաներ են անում՝ դժգոհելով իշխանությունից: Անգամ այս ուշ ժամին նրանց մեծ մասը չի հեռացել տարածքից: Նրանք պատրաստվում են գիշերն անցկացնել մեքենաներում կամ էլ խարույկների մոտ: Նրանց հետ նաև երեխաներ կան: «Մենք ոչ մի տեղ չենք գնալու, գիշերելու ենք այստեղ, որ առավոտյան նորից բողոքի ակցիա անցկացնենք»,- ասում են նրանք: