«Բայդենի հետ հանդիպման արդյունքը կարտացոլվի մարտի դաշտում». Զելենսկի

Զելենսկին արդյունավետ է գնահատել այսօրվա բանակցությունները՝ նշելով, որ դրանց արդյունքը կարտացոլվի մարտի դաշտում: Այս մասին հայտնում է РБК Украина-ն՝ հղում կատարելով Ջո Բայդենի հետ փետրվարի 20-ին կայացած համատեղ ասուլիսի ընթացքում Ուկրաինայի նախագահի հայտարարությանը:
«Մենք հույս ունենք, որ 2023 թվականը հաղթանակի տարի կլինի»,- հայտարարել է Զելենսկին: Նրա խոսքով՝ Ուկրաինային ծանր ժամանակներ են սպասվում, բայց երկիրը կհասնի «պատմական ձեռքբերումների»՝ ԱՄՆ-ի և մյուս գործընկեր-երկրների օգնությամբ:

Ավելի վաղ հայտնել էինք, որ ԱՄՆ նախագահը չհայտարարված այցով ժամանել է Կիև: