ՌԴ-ն դուրս եկավ Ռազմավարական հարձակվողական սպառազինությունների սահմանափակման պայմանագրից. ԱՄՆ-ի արձագանքը

ԱՄՆ-ն ափսոսում է Վլադիմիր Պուտինի որոշման համար, ըստ որի, դադարեցվում է Ռուսաստանի մասնակցությունը Ռազմավարական հարձակվողական սպառազինությունների սահմանափակման պայմանագրին (START-Strategic Arms Limitation Treaty): ԱՄՆ պետքարտուղար Էնթոնի Բլինքենը Ռուսաստանի ղեկավարի հայտարարությունը «անպատասխանատու» է որակել։
«START-ին մասնակցությունը կասեցնելու մասին Ռուսաստանի հայտարարությունը անպատասխանատու է և խորը ափսոսանք է առաջացնում։ Մենք ուշադիր հետևելու ենք, թե ինչ է իրականում անում Ռուսաստանը,- նրա խոսքերը մեջբերում է Reuters-ը։- Մենք, իհարկե, կհամոզվենք, որ ամեն դեպքում պատշաճ կերպով գործենք՝ ապահովելու մեր երկրի և մեր դաշնակիցների անվտանգությունը»։
Բլինքենն ընդգծել է, որ Միացյալ Նահանգները պատրաստ է շարունակել Ռուսաստանի հետ ռազմավարական հարձակողական զենքի սահմանափակումների մասին քննարկումը՝ անկախ երկրների միջև երկկողմ հարաբերությունների վիճակից և աշխարհում տեղի ունեցող իրադարձություններից։ Նա հավելել է, որ միջուկային խոշոր տերությունները պետք է «պատասխանատու կերպով վարվեն»։
Իր հերթին ԱՄՆ ազգային անվտանգության հարցերով խորհրդական Ջեյք Սալիվանն ասել է, որ ոչ ոք չի պատրաստվում հարձակվել Ռուսաստանի վրա՝ մեկնաբանելով Պուտինի խոսքերը, թե Ուկրաինայում հակամարտությունը ծավալվում է Արևմուտքի մեղքով։
«Որոշակի անհեթեթություն կա այն մտքի մեջ, որ Ռուսաստանը գտնվում է Ուկրաինայի կամ որևէ այլ երկրի ռազմական սպառնալիքի տակ», - մեջբերում է Սալիվանի խոսքերը Financial Times-ը:
Ավելի վաղ Վլադիմիր Պուտինը հայտարարել էր, որ Ռուսաստանի Դաշնությունը դադարեցնում է իր մասնակցությունը Ռազմավարական հարձակողական սպառազինությունների սահմանափակման պայմանագրին։ Այդ մասին նա հայտարարել է Դաշնային ժողովին ուղղված իր ելույթի ժամանակ։ Նա պաշտպանության նախարարությանը և «Ռոսատոմին» կոչ է արել պատրաստակամություն ապահովել ռուսական միջուկային զենքի փորձարկման համար։
ՆԱՏՕ-ի գլխավոր քարտուղար Յենս Սթոլթենբերգը, մեկնաբանելով Ռուսաստանի ղեկավարի հայտարարությունը, այն անվանել է «միջուկային զսպման համակարգի փլուզում»։

«Սա քաղաքական ուղերձ է, որը նոր աշխարհակարգի հաստատման ընթացքում կխաղա իր դերը»․ Արա Պողոսյան
1809:48
Հավաքները շարունակվում են. ընդդիմությունն օրակարգ ունի․ «Հրապարակ»
4809:24
Փաշինյանի կինը՝ ընդդեմ Փաշինյանի թիմի՞. «Ժողովուրդ»
5209:18
Իսրայելի խորհրդարանը խոսնակ է ընտրել ընդդիմության թեկնածուին
8909:13
«Հարկադրանքի նախկին գործիքներն իրենց սպառել են». Պուտին
10809:07
«Ուզում են Թևանյանին հոգեբանական կտտանքների ենթարկելով՝ ապահովել նախակաթվածային վիճակ»․ Արեգ Սավգուլյան
11702:06
«Իշխանության նկատմամբ քաղաքացու դիրքորոշումը չպետք է կախված լինի ընդդիմության հեղինակությունից»․ Վլադիմիր Մարտիրոսյան
13101:30
«Պուտինի այցը Չինաստան ունի և՛ տնտեսական, և՛ ռազմավարական նշանակություն»․ Վահան Բաբայան (տեսանյութ)
12101:06