«Ադրբեջանը և Թուրքիան պատրաստվում են էթնիկ զտումներ իրականացնել ԼՂ-ում». Եվրոխորհրդարանի պատգամավոր

Եվրոխորհրդարանի պատգամավոր, Եվրոպական ազատ դաշինքի նախագահ Ֆրանսուա Ալֆոնսին Երևան կատարած այցի շրջանակներում այցելել է Հայոց ցեղասպանության հուշահամալիր, այնուհետև Թվիթերի իր միկրոբլոգում գրառում է արել, որում կոչ է արել աջակցել հայ ժողովրդին:

«Երևան՝ Հայոց ցեղասպանության հուշահամալիր։ Մեկ դար անց Ադրբեջանն ու Թուրքիան պատրաստվում են էթնիկ զտումներ իրականացնել Լեռնային Ղարաբաղում. հայերի համար կենսական նշանակություն ունեցող Լաչինի միջանցքի շրջափակում, գազի և էլեկտրաէներգիայի մատակարարման դադարեցում, երկիրը դատարկվում է, ներխուժումն անխուսափելի է»: