«Leopard 2 տանկերն արդեն Ուկրաինայում են». Լեհաստանի ՊՆ

Լեհաստանի պաշտպանության նախարարար Մարիուշ Բլաշչակը հայտարարել է, որ առաջին Leopard 2 տանկերն արդեն հասել են Ուկրաինա։ Նման հայտարարությամբ Լեհաստանի ՊՆ-ն հանդես է եկել երկրի նախագահ Անջեյ Դուդայի հրավիրած Ազգային անվտանգության խորհրդի նիստում։

Ավելի վաղ Լեհաստանի վարչապետ Մատեուշ Մորավեցկին ասել էր, որ եթե ամբողջ աշխարհն օգնի Ուկրաինային այնպես, ինչպես դա անում է Լեհաստանը, պատերազմը կավարտվի:

Նշենք, որ Leopard 2 տանկերը նախագծված են եղել ռուսական Т-90 տեսակի տանկերի դեմ պայքարի համար։ Այն ունի ամուր զրահ, թիրախը խոցելու գերճշգրիտ հնարավորություն, հակառակորդին շատ մեծ հեռավորության վրա հայտնաբերելու համար նախատեսված հսկողության սարքավորումներ։