«Ինձ առաջարկվել է լինել ՄԻՊ թեկնածու, մերժել եմ»․ Թագուհի Թովմասյան

«Ես մտածում եմ, որ նպատակ կա ՄԻՊ-ի ինստիտուտը վերացնելու, որովհետև չի կարող մեկ ամիս շարունակ օմբուդսմենի թեկնածու չառաջադրվել: Ստացվում է, որ մենք վտանգի տակ ենք դնում բավականին մեծ հեղինակություն ունեցող կառույցը: Դատելով բոլոր հրապարակային խոսքերից՝ իշխանությունը փնտրում է այնպիսի թեկնածու, որ հնարավոր լինի նրան իշխել, կառավարել»,- Irakanum-ի հետ զրույցում ասել է ԱԺ պատգամավոր Թագուհի Թովմասյանը:

Հարցին՝ իշխանության կամ ընդդիմության կողմից եղե՞լ է ՄԻՊ-ի պաշտոնում իր թեկնածությունն առաջադրելու հարց, պատգամավորը պատասխանել է. «Ես ունեցել եմ առաջարկ, որը մերժել եմ: Կարծում եմ, որ եթե պիտի առաջադրվի ընդդիմության կողմից թեկնածու, ապա պետք է հնարավորություն տալ այն մարդկանց, ովքեր այդ հարթակը օգտագործելու հնարավորություն չունեն»,- ասել է Թովմասյանը: