«Հայրենիքը մաս-մաս հանձնելու գործընթացն Արցախից անցնելու է Հայաստանի տարածքներ». Ա. Զաքարյան

ՀՀԿ-ական գործիչ Արտակ Զաքարյանը տեսանյութ է հրապարակել, որին կից գրել է. «Հայրենիքը մաս-մաս հանձնելու գործընթացը կանգ չի առնելու, այն Արցախից անցնելու է Հայաստանի տարածքներ: Որովհետև միջազգային հանրությունը համոզվել է, որ հայերի մի ստվար մասին հայրենիք պետք չէ:
Նրանց նիկոլի պես խամաճիկ «իշխանություն» է պետք, որ իրենց հիմարի տեղ դնի ու անընդհատ խաբի: Թուրքական էժան լոլիկ է պետք, որ հայ գյուղացու տունը քանդվի: Էժան թուրքական քռչուփալաս է պետք, որ ծախի ու մի երկու կոպեկ փող փախցնի: Ոչինչ չանելու համար բարձր աշխատավարձ ու պարգևավճար է պետք, որ ֆեյսբուքում դավաճանների ելույթները լայքի ու հետևի, թե ինչպես է կործանվում այս պետությունը, որից ինքն աշխատավարձ է ստանում և այլն:
Եվ այս ամենի հետ աշխարհում ձևավորել ենք կարծիք, որ հայրենիք չենք ցանկանում ունենալ, հայրենիքն էլ դարերով թողել ենք թուրքին՝ այ էսօրվա պես, պատվավոր դավաճան նիկոլների շնորհիվ: Սա այն ամենն է, ինչ խոսվում է աշխարհում՝ մեր մասին: Ցավալի է՝ բայց փաստ:
Իսկ այն զրույցները, թե ընդդիմությունը վատն է, դրա համար մարդիկ դուրս չեն գալիս պայքարի՝ ընդամենը կեղծ երեսպաշտություն է:
Վատ ընդդիմությանը մի կողմ թողեք՝ լավերի հետ տեր կանգնեք Հայրենիքին, եթե մի փոքր սիրում եք այն:
Հայրենիքի ճակատագրի նկատմամբ այս համատարած անտերությանը պետք է վերջ տալ»: