«Պատերազմից հետո սելեկտիվ աբորտների ընթացքը վատացավ»․ Ավանեսյան

388

Չորեքշաբթի, 01 մարտի, 2023 թ., 17:51

«2021 թվականին համեմատաբար մենք ունեցել ենք որոշակի ծնելիության նվազում, դրա հիմնապատճառները բազմիցս քննարկել ենք, ունեցել ենք մի շրջան, որ ամուսնությունները հապաղել են, չեն գրանցվել և այլն: Բայց պետք է ասեմ, որ 2022-ի հունվար ամիսը մեզ որոշակի հույս է տալիս, որ այդ տենդենցը հակառակ ուղղությամբ է գնալու»,- ԱԺ-Կառավարություն հարցուպատասխանի ժամանակ ասաց Առողջապահության նախարար Անահիտ Ավանեսյանը:

Խոսելով սելեկտիվ աբորտների մասին, նախարարը նշեց, որ մինչև պատերազմը բավականին լավ ցուցանիշ ունեինք. «Սակայն, ցավոք սրտի, պատերազմի հետևանքով որոշակի փոփոխություններ եղան հասարակության տրամադրության ընկալման մեջ և փոխվեց վիճակագրությունը»: