«Խաղաղության պայմանագիրը պետք է բխի Հայաստանի և Ադրբեջանի ցանկությունից և ոչ թե՝ ԱՄՆ-ի կամ այլ երկրի». Լուիս Բոնո

Միացյալ Նահանգները ՀՀ և Ադրբեջանի միջև երկարաժամկետ խաղաղության հաստատման կողմնակից է: Այս մասին հայտարարել է աշխատանքային այցով Բաքվում գտնվող Հարավային Կովկասի հարցերով ԱՄՆ պետքարտուղարի ավագ խորհրդական Լուիս Բոնոն: Նա նաև նշել է, որ այս պահին Միացյալ Նահանգները, գերազանցապես, խաղաղ գործընթացին աջակցողի դերում է:

«Խաղաղության պայմանագիրը պետք է կայուն լինի: Այն պետք է բխի հենց կողմերի (խմբ.՝ Հայաստանից և Ադրբեջանից) ցանկությունից, և ոչ թե՝ ԱՄՆ-ի կամ այլ երկրի: Մեր նպատակը կողմերի երկխոսությունն է»,-հայտարարել է Բոնոն: