Շաբաթ, 02 օգոստոսի, 2025 թ.
|
Ստեփանակերտում`   +22 °C

Օղակը սեղմվում է․ Արսեն Թորոսյանը կարող է ձերբակալվել․ «Ժողովուրդ»

Օղակը սեղմվում է․ Արսեն Թորոսյանը կարող է ձերբակալվել․ «Ժողովուրդ»
8600
Շաբաթ, 11 մարտի, 2023 թ., 09:41

«Ժողովուրդ» օրաթերթի տեղեկությունների համաձայն՝ օղակը ՀՀ առողջապահության նախկին նախարար, այժմ ԱԺ ՔՊ խմբակցության պատգամավոր Արսեն Թորոսյանի շուրջ սեղմվում է: Չի բացառվում, որ Թորոսյանն առաջիկայում ձերբակալվի:
Երեկ նախաքննական մարմինը՝ Հակակոռուպցիոն կոմիտեն, ձերբակալեց Երևանի փոխքաղաքապետ Գեւորգ Սիմոնյանին, քանի որ Սիմոնյանը առողջապահության նախարար Արսեն Թորոսյանի օրոք նրա տեղակալն էր:

Տեղեկացանք նաև, որ այս գործով հարցաքննությունները ինտենսիվ շարունակվում են:
«Մեզ հասած տեղեկությունների համաձայն՝ հարցաքննվել է ՊԵԿ փոխնախագահ Արտյոմ Սմբատյանը, որը Թորոսյանի՝ նախարար եղած ժամանակ դարձյալ փոխնախարար է եղել և Քովիդի գծով համակարգողը: Ըստ մեզ հասած տեղեկությունների՝ առայժմ իրավապահները Սմբատյանին միայն հարցաքննել են, իսկ թե ինչ կլինի, ցույց կտա ժամանակը:

Շղթան այսքանով չի ավարտվում: Հարցաքննվել են նաև 5 հիվանդանոցի տնօրեններ, որոնք Քովիդով հիվանդների են սպասարկել:

Հարցաքննվել են նաև առողջապահության արդեն նախկին նախարար Թորոսյանի աշխատակազմի երեք ղեկավարները, որոնցից Լուսինե Քոչարյանը և Ծաղիկ Վարդանյանն անգամ առերեսվել են:
Այսպիսով, նախկին նախարար Արսեն Թորոսյանի գլխին սև ամպեր են կուտակվում, քանի որ, մեզ հասած բացառիկ տեղեկությունների համաձայն, նրա դեմ ցուցմունք տվողներ կան, ինչը ենթադրել է տալիս, որ Թորոսյանը ևս առաջիկայում գուցե ձերբակալվի:

Հիշեցնենք, որ Թորոսյանն այն նախարարն էր, որ նշանակվելուց հետո շատ անվանի բժիշկների ու առողջապահության կազմակերպիչների մասով «լայվ» էր մտնում ու հրապարակային բոլորին թալանի, կոռուպցիայի համար մեղադրում: Հիմա բացահայտվել է, որ ինքն է ղեկավարել ու կազմակերպել թալանը: Ավելին՝ «Ժողովուրդ» օրաթերթի տեղեկություններով՝ իրավապահները Թորոսյանի գործունեության շուրջ միայն Քովիդի գործընթացով չէ, որ բացահայտումներ են արել:
Այլ նորություններ էլ կան, որոնց մասին կներկայացնենք առաջիկայում»:

Մանրամասները՝ թերթի համարում:

Կարդացե՛ք նաև