«Ոստիկաններին մեղադրելը սխալ է». Նաիրի Հոխիկյան

Լրագրող Նաիրի Հոխիկյանը թելեգրամյան իր էջում գրում է. «Հրազդանում տեղի ունեցած ողբերգական դեպքի համար ոստիկաններին մեղադրելը, կարծում եմ, սխալ է։ Հանցագործը գողություն է արել, ինչի մասին ահազանգից 4-5 րոպե անց պարեկները տեղ են հասել ու երկար ժամանակ բանակցել տուն մտած անձի հետ։

Կացինով սպառնացող տղամարդուն նախապես զգուշացվել է, որ կարող են կրակել, ինչից հետո այդ մարդը հարձակվել է պարեկների վրա։ Այս իրավիճակում իրավակարգի աշխատողը՝ ոստիկանը, պարեկը կամ մեկ այլ ծառայող պարտավոր է գործի դնել իրեն ամրակցված զենքը՝ վտանգավոր հանցագործին կանգնեցնելու համար։ Կրակել է ոտքին, ապա նոր կրծքին։

Վստահ եմ, եթե պարեկները չկրակեին, ինչի հետևանքով հանցագործը վնասեր հենց պարեկներից մեկին կամ տանտերերին, մարդիկ քննադատելու էին, թե էլ ինչ ոստիկաններ են դրանք։

Սիրելի հայրենակիցներ, ձեր սիրելի Ամերիկաներում ոստիկանն այդքան երկար չէր բանակցի զինված հանցագործի հետ, տեղում կսպաներ ու չէր դատվի։

Այս մեկ առումով ես պարեկներին աջակցում եմ։ Ուղղակի կարևոր է, որ սովորություն չդառնա»։