«Փաշինյանն այսօր խոստովանեց, որ իր ամբողջ ետպատերազմյան քաղաքականությունը ձախողվել է». Արթուր Խաչատրյան

ԱԺ «Հայաստան» խմբակցության պատգամավոր Արթուր Խաչատրյանի գրառումը. «Փաստորեն, Փաշինյանն այսօր խոստովանեց, որ իր ամբողջ ետպատերազմյան քաղաքականությունը ձախողվել է։ Խաղաղության դարաշրջանը գնալով ավելի անհասանելի է դառնում, Արցախի դե-օկուպացիայի ու Արցախի ժողովրդի ինքնորոշման իրավունքի մասին խոսել չի կարող՝ կաշկանդված է։ Ադրբեջանը ցանկանում է արցախցիներին ցեղասպանության ենթարկել, ցանկանում է Հայաստանից տարածքներ պոկել։ Բա հետո՞։ Երկիր կառավարելը հո քննություն հանձնել չի՞, որ մի անգամ կտրվեցիր, մի շաբաթից կարող ես գալ լիկվիդի։ Ձախողման գինը հազարավոր երիտասարդ կյանքներն են, կորցրած տարածքներն են, գաղթականներն են, հիմա արդեն՝ հայկական պետականությունը, հայկական քաղաքակրթությունն է և հայկական էթնոսի լինելիությունն է»։