«Էրդողանի վիճակն ավելի է վատանալու». #Bloomberg

319

Չորեքշաբթի, 22 մարտի, 2023 թ., 22:36

Ամերիկյան առաջատար պարբերականներից «Bloomberg»-ը Թուրքիայում մայիսի 14-ին կայանալիք ընտրությունների մասին հոդվածում նշում է, որ Էրդողանի անկումներով լի շաբաթը ընտրությունների մոտենալուն զուգահեռ ավելի է վատանալու։

Ի հակադրություն Էրդողանի այն անհաջողությանը, որ նա չկարողացավ համոզել Էկոնոմիկայի նախկին նախարար Մեհմեդ Շիմշեքին, ընդդիմությունը կարողացավ ընտրել միասնական թեկնածու:

«Bloomberg»-ը դիտարկել է նաև Էրդողանի պարտության սցենարը. «Հենց Էրդողանի ընտրություններում պարտվի, թե Մերձավոր Արևելքում, թե ընդհանուր առմամբ աշխարհում ցնցումներ կլինեն: 69 տարեկան Էրդողանը այնպիսի համակարգ ստեղծելու համար, որում ուժը մեկի ձեռքում է, աշխատել է 20 տարի և վճռորոշ դեր ունեցել տարածաշրջանում, Չինաստանի, Ռուսաստանի, ԱՄՆ-ի և այլ երկրների հետ հարաբերություններում»:

Հիշեցնենք, որ մայիսի 14-ին Թուրքիայում տեղի կունենան նախագահական և խորհրդարանական ընտրություններ։ Թուրքիայի բարձրագույն ընտրական հանձնաժողովը հայտնել է, որ խորհրդարանական ընտրություններին կմասնակցի 36 կուսակցություն։ Ընդդիմադիր խոշորագույն դաշինքի առաջադրած նախագահի թեկնածուն քեմալականների «Ժողովրդահանրապետական կուսակցության» (ԺՀԿ-CHP) առաջնորդ Քեմալ Քըլըչդարօղլուն է։