Չորեքշաբթի, 01 ապրիլի, 2026 թ.
|
Ստեփանակերտում`   +13 °C

ԱՄՆ Ներկայացուցիչների պալատի շուրջ 70 անդամներ կոչ են արել դադարեցնել Ադրբեջանին ռազմական օգնությունը

ԱՄՆ Ներկայացուցիչների պալատի շուրջ 70 անդամներ կոչ են արել դադարեցնել Ադրբեջանին ռազմական օգնությունը
1148
Ուրբաթ, 24 մարտի, 2023 թ., 11:24

ԱՄՆ Կոնգրեսի Ներկայացուցիչների պալատի 69 անդամներ՝ երկու կուսակցություններից, հերթական անգամ հանդես են եկել Ադրբեջանին ռազմական օգնությունը դադարեցնելու և Արցախին ու Հայաստանին 150 միլիոն դոլարի օգնություն ուղարկելու կոչով, այս մասին հայտնում է Ամերիկայի Հայ դատի հանձնախումբը: «ԱՄՆ-ի շարունակական ռազմական օգնությունն Ադրբեջանին իրենից ներկայացնում է «անցաթուղթ» ադրբեջանական ագրեսիայի համար, կանաչ լույս ադրբեջանական էսկալացիայի համար: Դա պետք է դադարեր նախագահ Բայդենի պաշտոնավարության հենց առաջին օրը. նա պաշտոնը ստանձնեց՝ որպես Ալիևին զինելու և օգնելու սուր քննադատ: Բայց եթե մեր նախագահը չանի այն, ինչի ճիշտ է, ապա Կոնգրեսը պետք է գործի»,- ասել է Ամերիկայի Հայ դատի հանձնախմբի տնօրեն Արամ Համբարյանը։