«Մհերը նաև պատերազմի մասնակից է». Գառնիկ Դանիելյան

ԱԺ «Հայաստան» խմբակցության պատգամավոր Գառնիկ Դանիելյանը գրում է. «Այսօր ԱԺ-ից բռնի կերպով բերման է ենթարկվել «Հայաստան» խմբակցության պատգամավոր Մհեր Սահակյանը։
Իշխանության ներկայացուցիչների կողմից հրահրված այս սադրանքը, որի արդյունքում մեր գործընկերը հայտնվեց ոստիկանական բաժանմունքում, մի շարժառիթ և նպատակ ունի՝ շեղել հանրության ուշադրությունը տարածքային հերթական կորուստներից և ադրբեջանական ուժերի առաջխաղացումից։
Մհերին ճանաչողները գիտեն, թե որքան պարկեշտ և զուսպ անձնավորություն է։ Շատերը կհիշեն, թե ինչպես է իր ներկայությամբ հաճախ զսպել կոնֆլիկտները։
Մհերը նաև պատերազմի մասնակից է։ Բազմիցս ապացուցել է իր սերն ու նվիրվածությունը՝ առ հայրենիք»: