Կենդանաբանները դեմ են այգու տեղափոխմանը
![]() 638 Հինգշաբթի, 06 ապրիլի, 2023 թ., 21:48 «Ունենք ծրագիր՝ Կենդանաբանական այգին տեղափոխելու, նոր ֆորմատով կենդանիներին ավելի լավ պայմաններում պահելու համար»,- Երևանի ավագանու ապրիլի 4-ի արտահերթ նիստի ընթացքում ասել էր փոխքաղաքապետ Տիգրան Ավինյանը՝ շեշտելով, որ Կենդանաբանական այգու ներկայիս պայմանները դա թույլ չեն տալիս: Փոխքաղաքապետի հետ, սակայն, համաձայն չեն կենդանաբանները, այգու նախկին աշխատակիցները: «Բնական լանդշաֆտը, որ հիմա ունի մեր Կենդանաբանական այգին, շատ կարևոր է մեր տարածաշրջանի կենդանատեսակների համար: Իսկ «Երևան պարկ»-ի հատվածը, եթե չեմ սխալվում, հարթ տարածք է, բնական ժայռերը պետք է փոխարինեն արհեստական ժայռերով, որոնք անշուք են ու շատ ծախսատար: Արհեստական ժայռերն ամեն տարի թարմացման կարիք են ունենում: Պետք է նաև նոր ծառեր տնկեն, դրանք տարիներով մեծանան: Այն գումարը, որ պետք է ծախսեն՝ կենդանաբանական այգի ստեղծելով, դրա կեսով կարող են ներկայիս Կենդանաբանական այգին շատ սիրուն սարքել»,- 168-ի հետ զրույցում ասել է կենդանաբան, Կենդանաբանական այգու նախկին աշխատակիցներից Մանուկ Մանուկյանը: Մեծ գումարներ ծախսելուն ու նոր Կենդանաբանական այգի կառուցելուն դեմ է նաև այգու նախկին աշխատակից Անուշ Ռաֆայելյանը: «Այգին, հիմնադրման պահից, տարբեր ծառեր է ունեցել, միշտ եղել են կանաչապատման մասնագետներ, ովքեր այդ հարցով զբաղվել են: Մոտ 15 տարի առաջ ունեինք այգեպաններ, որոնք նաև բանջարեղեն էին ցանում կենդանիների համար: Ամեն հնարավորություն ստեղծված էր: Այդ տարածքի վրա երկար տարիներ է՝ «աչք կար»,- նշել է Անուշ Ռաֆայելյանը: |
«Ո՞րն է կապը ծառահատումների և Երևանում ջրային հոսքերի ավելացման միջև». Քրիստինա Վարդանյան (տեսանյութ)
44208.05.2025, 00:12««Ձկների անձրև»՝ Կարիբյան ավազանում». Լևոն Ազիզյան (տեսանյութ)
54107.05.2025, 01:06«Երևանի ջրհեղեղի կապը՝ մասսայական ծառահատումների հետ»․ Քրիստինա Վարդանյան (տեսանյութ)
71006.05.2025, 21:36«Չոր ծառերի շրջապատում գյուղատնտեսներ չեն կրթում». Քրիստինա Վարդանյան
59805.05.2025, 18:24«Ռուսաստանի սինոպտիկները խոստանում են, որ ամառը ձյուն չի լինի»․ Լևոն Ազիզյան (տեսանյութ)
59104.05.2025, 12:42«Աբովյան 38-ի խաղողի վազը վերջնական կտրել են»․ Լևոն Գալստյան (լուսանկար, տեսանյութ)
72302.05.2025, 15:54«465 000 դրամի փոշիացում». Քրիստինա Վարդանյան
82028.04.2025, 18:42«Էլ Օխո՝ առեղծվածային կլոր կղզի, որը շարժվում է». Լևոն Ազիզյան (տեսանյութ)
85827.04.2025, 20:06