Բլինքենն առայժմ բացառում է Ուկրաինայի և Ռուսաստանի միջև բանակցությունները

ԱՄՆ պետքարտուղար Էնթոնի Բլինքենն այս պահին բացառում է Ուկրաինայի և Ռուսաստանի միջև հրադադարի շուրջ բանակցությունները: «Ոմանց համար հրադադարի գաղափարը կարող է գրավիչ լինել, և ես դա հասկանում եմ: Բայց եթե այն հիմա հաստատվի, կնշանակի՝ վավերացնել Ուկրաինայի տարածքի զգալի մասի գրավումը Ռուսաստանի կողմից»,- ասել է նա՝ Funke մեդիա խմբին և ֆրանսիական Ouest-France թերթին տված հարցազրույցում։ Բլինքենի խոսքով՝ Ռուսաստանը դեռ պատրաստ չէ ներգրավվել կառուցողական բանակցություններում: