Կիրակի, 06 հուլիսի, 2025 թ.
|
Ստեփանակերտում`   +18 °C

«Եթե էլեկտրոնային տարբերակով հակաբիոտիկի դեղատոմս չլինի, դեղատունն իրավունք չունի այն վաճառելու». փոխնախարար

«Եթե էլեկտրոնային տարբերակով հակաբիոտիկի դեղատոմս չլինի, դեղատունն իրավունք չունի այն վաճառելու». փոխնախարար
822
Երկուշաբթի, 10 ապրիլի, 2023 թ., 15:51

«ՀՀ առողջապահության առաջնային օղակում հուլիսից արդեն իսկ ունենք ներդրված պիլոտային ծրագիր, 800 հազարից ավելի էլեկտրոնային դեղատոմս է դուրս գրվել այս ամիսների ընթացքում. չկա որևիցե պոլիկլինիկա, որը չի աշխատում այդ համակարգում»,- այս մասին «Ի՞նչ փոփոխություններ են սպասվում առողջության առաջնային պահպանման օղակում՝ քաղաքացիների համար» թեմայով ասուլիսի ժամանակ նշել է Առողջապահության փոխնախարար Արտակ Ջումայանը: Նա նշել է, որ ներդրվել է նաև էլեկտրոնային դեղատոմսի երկրորդ հատվածը, որը վերաբերում է անապահովության միավոր, հաշմանդամության կարգ ունեցող բուժառուներին: «Կառավարության համապատասխան որոշման մեջ փոփոխություն կատարելով՝ կունենանք դեղատոմսի ամբողջովին թվային տարբերակ, կունենանք մի քանի դեղամիջոցների պարտադիր էլեկտրոնային դեղատոմսով դուրս գրելու հնարավորություն և պահանջ կդնենք կառավարության որոշումով. առաջինը հակաբիոտիկներն են, որի շրջանառությունը բաց վիճակում վնասում է քաղաքացիների առողջությանը. այն պետք է լինի վերահսկելի, բժշկական խիստ ցուցումով»,- ասել է նա: Լրագրողի հարցին՝ եթե էլեկտրոնային տարբերակով հակաբիոտիկի դեղատոմս չլինի, դեղատունն իրավունք չունի՞ վաճառելու, պատասխանել է՝ այո: «Այս պահին այդ պահանջը թղթայինով կա, բայց, ցավոք, տեսնում ենք՝ ինչպես է կատարվում, էլեկտրոնայինով ավելի հեշտ կլինի վերահսկողությունը»,- ասել է ԱՆ պաշտոնյան:

Կարդացե՛ք նաև