«Տիկի՛ն դատախազ, ասում եք՝ Մհեր Սահակյանը նստած է եղել ձախ աթոռին, սակայն այդ աթոռը եղել է դատարկ»․ Աղվան Վարդանյան

«Ձեր միջնորդության մեջ ասացիք, որ ցուցմունքներից մեկով՝ Մհեր Սահակյանը նստած է եղել պարոն Վարդանյանի ձախ աթոռին. սրահն օվալաձև է, հանձնաժողովի նախագահը նստում է սեղանի գլխին, իր ձախ կողմի մեկ աթոռը եղել է դատարկ, կողքը նստած է եղել տիկին Ալխաս Ղազարյանը և միայն երրորդ աթոռին՝ Մհեր Սահակյանը: Ըստ ցուցմունքների՝ հարվածից պարոն Վարդանյանը ընկել է Ալխաս Ղազարյանի աթոռի մոտ. արդյո՞ք սա չի նշանակում, որ քայլ կատարվել է դեպի Սահակյանը»,- դիմելով Գլխավոր դատախազին՝ հարցրեց ԱԺ «Հայաստան» խմբակցության պատգամավոր Աղվան Վարդանյանը:

Հիշեցնենք՝ քննարկվում է Մհեր Սահակյանի նկատմամբ քրեական հետապնդում հարուցելուն համաձայնություն տալու մասին դատախազի միջնորդությունը: