«Արդյոք թույլ կտա՞նք, որ մեզ հաղթանակ պարգևած գեներալները մնան բանտերում». Հրանտ Մելիք-Շահնազարյան

Փաշինյանը ձգտում է կոտրել Հայաստանում հնարավոր դիմադրության օջախները, իր «Կարևոր զրույց» հեղինակային հաղորդման եթերում ասաց «Ոսկանապատ» վերլուծական կենտրոնի ղեկավար, քաղաքագետ Հրանտ Մելիք-Շահնազարյանը:

«Գեներալ-մայոր Գրիգորի Խաչատուրովը 3-րդ բանակային կորպուսի լեգենդար հրամանատարն էր, որը կարողացել է 2020 թվականի ամռանն իսկական ջարդ կազմակերպել թուրքերի համար՝ Տավուշի հատվածում։ Պատերազմից հետո Խաչատուրովը չի ենթարկվել այս իշխանությունների կամքին և շարունակել է ծառայել բացառապես հայկական պետության շահերին և մեր տարածքային ամբողջականությանը։ Որպես հետևանք՝ նա սկզբից պաշտոնազրկվել է, այսինքն, նրան հեռացրել են 3-րդ բանակային կորպուսից, իսկ հետո նաև շինծու գործով կալանավորել։ Եվ հիմա, երբ այս երկու իրողություններն իրար կողքի ես դնում, ամեն ինչ պարզ է դառնում․ Նիկոլ Փաշինյանը մի կողմից տարածքներ է հանձնում թշնամուն, մյուս կողմից՝ ձերբակալում բոլոր այն ուժերին, որոնք իսկապես արտահայտում են պետության ու ժողովրդի շահերը։ Սրանք զուգահեռ գործընթացներ են:

Արդյոք թույլ կտա՞նք, որ երկիրը շարունակ, կտոր-կտոր հանձնվի թշնամուն և արդյոք թույլ կտա՞նք, որ մեր հիմնասյուները, մեր գեներալները, մեզ հաղթանակ պարգևած զինվորականները մնան բանտերում։ Այդ ընտրությունից է կախված, թե վաղն ինչ երկրում ենք ապրելու»։