Էրդողանի առողջական վիճակը վատացել է. ինչ է հայտնի այս ժամի դրությամբ

Այսօր Թուրքիայի նախագահ Ռեջեփ Թայիփ Էրդողանի զգացողությունը Ülke հեռուստաալիքի ուղիղ եթերում հանկարծակի վատացել է, ինչի պատճառով հեռարձակումը ստիպված են եղել ընդհատել։

Էրդողանը ծանր վիճակում հոսպիտալացվել է, այսօր՝ ապրիլի 26-ին, Թուրքիայում չեղյալ են համարվել հաջակցություն նրա անցկացվող միտինգները։

Արդարություն և զարգացում կուսակցության նախագահի առաջին տեղակալ, Ստամբուլի պատգամավոր Նուման Քուրթուլմուշը հայտարարել է, որ Պետության ղեկավարի առողջական վիճակը լիովին բավարար է: Նա հավելել է, որ աշխատանքային զբաղվածության պատճառով նախագահին անհանգստացնում է ստամոքսը։

Նախագահի մոտ «ստամոքսի գրիպի» մասին տեղեկությունը հնչեցրել է Թուրքիայի ղեկավարին կից անվտանգության և արտաքին քաղաքականության խորհրդի անդամ Չագրի Էրհանը։ Մինչդեռ Թուրքիայի իշխող կուսակցությունը հաստատել է, որ Էրդողանը տեսակապով կմասնակցի «Աքքույու» ատոմակայան ռուսական արտադրության միջուկային վառելիքի առաքման արարողությանը: