«Զարմանում եմ, երբ տեսնում եմ գրառումներ Արցախը վերջնականապես կորցնելու մասին». Դավիթ Ղահրամանյան

Արցախի տեղեկատվական շտաբի լուսանկարիչ Դավիթ Ղահրամանյանը գրել է. «Զարմանում եմ, երբ տեսնում եմ ֆեյսբուքյան տիրույթում մեր հայրենակիցների գրառումները Արցախը վերջնականապես կորցնելու մասին: Ցավոք հիմնականում նման գրառումներ անում են նրանք, ովքեր այս պահին գտնվում են ադրբեջանի կողմից տեղադրված ժամանակավոր անցակետից այն կողմ: Նման գրառումներ անելուց առաջ հիշեք, որ այստեղ 120.000 մարդ է ԱՊՐՈՒՄ, ովքեր 2020թ. նոյեմբերի 9-ից հետո հասկանալով բոլոր դժվարությունները, որոշել են վերադառնալ և ապրեցնել Արցախը: Իսկ Խոսքը և ցանկությունը իրականանալու մեծ ուժ ունեն, ուստի ավելի լավ չէր լինի, որ ձեր գրառումները, ձեր հայտարարությունները լինեն բոլոր հնարավոր միջոցներով Արցախը հայկական պահելու մասին, իսկ ձեր սրտներում անցակետը ապամոնտաժելուց հետո վերադարձի մասին միտքը լինի:
Լուսանկարը՝ այսօրվա Սամվելի և Անիի հարսանիքից:

30.04.2023»: