«Էս հարցին շատ լուրջ վերաբերվեք». Գառնիկ Դանիելյան

«Օրերս Առողջապահության նախարարին հարց ուղղեցի Իջևանում շտապօգնության բրիգադների հետ կապված. սկզբում կասկածի տակ առնվեց ասածից իսկությունը, ճշտելուց հետո՝ համոզվեց, որ մեկ բրիգադ է աշխատում: Խոսք տվեցին, որ երկրորդ բրիգադ կավելացնեն, բայց երեկ ականատես եղա, որ խոստումը չի կատարվել... Էս հարցին շատ լուրջ վերաբերվե՛ք. որ մի բան ասում են՝ չկա, ուրեմն գնացեք, ճշտեք»,- ԱԺ-ում դիմելով Առողջապահության փոխնախարար Լենա Նանուշյանին՝ ասաց «Հայաստան» խմբակցության պատգամավոր Գառնիկ Դանիելյանը: Փոխնախարարն ասաց՝ տվյալ հարցից տեղյակ չէ. «Կխնդրեմ հարցը գրավոր ուղղել, հետամուտ կլինեմ»: