Երեքշաբթի, 21 ապրիլի, 2026 թ.
|
Ստեփանակերտում`   +7 °C

Փաշինյանը նշել է, թե ինչի շուրջ են Վաշինգթոնում արդեն 4 օր բանակցում Միրզոյանն ու Բայրամովը

Փաշինյանը նշել է, թե ինչի շուրջ են Վաշինգթոնում արդեն 4 օր բանակցում Միրզոյանն ու Բայրամովը
272
Հինգշաբթի, 04 մայիսի, 2023 թ., 22:36

«Այս պահին Ադրբեջանի հետ խաղաղության համաձակնագրի ստորագրման հիմնական խոչընդոտները հետևյալն են՝ մինչ օրս անհնար է եղել համաձայնության գալ այնպիսի խոսույթի շուրջ, որը հստակ կհայտարարի, որ Ադրբեջանը ճանաչում է Հայաստանի Հանրապետության տարածքային ամբողջականությունը 29 հազար 800 քառակուսի կիլոմետր տարածքով։

Լեռնային Ղարաբաղի հայերի իրավունքների և անվտանգության ապահովման մեխանիզմը դեռևս անորոշ է։ Նույնը կարելի է ասել Ստեփանակերտ-Բաքու երկխոսության ձևաչափի մասին, որը, մեր կարծիքով, պետք է տեղի ունենա միջազգային մեխանիզմի շրջանակներում։

Մինչ այժմ անհնար է եղել համաձայնության գալ խաղաղ համաձայնագրի տեքստի ընթերցման հարցում տարաձայնությունները հաղթահարելու մեխանիզմների շուրջ։

Եվ վերջապես, չկա խաղաղության համաձայնագրի կիրարկման համար միջազգային մեխանիզմների վերաբերյալ համաձայնություն»,- Պրահայում հայտարարել է ՀՀ վարչապետ Նիկոլ Փաշինյանը՝ վստահեցնելով, որ, այնուամենայնիվ, իրենք շարունակում են ջանքերն այս ուղղություններով հաջողություն գրանցելու ուղղությամբ։ «Արդեն չորս օր է, ինչ Հայաստանի և Ադրբեջանի պատվիրակությունները, ԱՄՆ աջակցությամբ, Վաշինգթոնում բանակցում են այս բոլոր հարցերի լուծման համար»,- նշել է Փաշինյանը։