«Դանակը վզներիս են դրել, մենք ասում ենք՝ մեզ խաղաղություն է պետք». արցախցի

«Ադրբեջանը և ռուսները հայ իշխանությունների հետ համագործակցելով՝ Բերձորի միջանցքը դարձրել են Ադրբեջանի սեփականութուն»,- ՄԱԿ-ի Հայաստանյան գրասենյակի դիմաց ասաց արցախցի տեղահանված քաղաքացիներից մեկը:

«Ինչ խաղաղության մասին է խոսքը. դանակը վզներիս են դրել, բայց մենք ասում ենք՝ մեզ խաղաղություն է պետք»,- ասաց նրանցից մեկը:

«Նամակ ենք բերել, որի պահանջներից մեկը միջանցքի արգելափակումը վերանայելն է, ինչը հավասարազոր է ցեղասպանության: Բացի նամակը, մենք պահանջում ենք, որպեսզի ՄԱԿ-ի ներկայացուցիչները մեզ ընդունեն և լսեն»,- ասացին ակցիայի մասնակիցները՝ նշելով, որ այստեղից շարժվելու են դեպի Ֆրանսիայի դեսպանատուն:

Նշենք, որ ավելի վաղ Արցախից տեղահանված քաղաքացիները Կառավարության շենքի դիմաց էին, որտեղ ևս նույնաբովանդակ նամակ հանձնեցին: