«Ասում էիք՝ ծանոթ-բարեկամ չպիտի սողոսկեն համակարգ, բա ո՞նց ձեր կինն ու աղջիկը սողոսկեցին»․ լրագրողը՝ Վ․ Գասպարյանին

Հակակոռուպցիոն դատարանում՝ ՀՀ նախկին ոստիկանապետ Վլադիմիր Գասպարյանի և Լևոն Երանոսյանի գործով դատական նիստի հետո լրագրողները հարցեր են ուղղել Վ. Գասպարյանին:

«Հիշո՞ւմ եք, որ ասում էիք՝ ծանոթ-բարեկամ չպետք է սողոսկեն համակարգ, բա ո՞նց Ձեր կինը, դուստրերը...»,-Վ. Գասպարյանը թույլ չտվեց լրագրողին հարցն ավարտի.

«Ստո´պ. կնոջս համար հիմա ես կռիվ կտամ: Իմ կինը աշխատել ա, գլուխները պատովն են տալիս նրանք, ովքեր ասում են, որ չի աշխատել, սրիկա են էն մարդիկ, ովքեր ասում են՝ չի աշխատել, ես նրանց ***, ովքեր ասում են չի աշխատել...»:

«Դե կտենա՜նք ինչ ա լինելու, էդ ամեն ինչի համար պատասխան են տալու, էդպես չի, գլուխները պատին են տվել, որ ասում են՝ չի աշխատել: Էտի շանորդություն ա»,- զայրացավ նախկին ոստիկանապետը: