Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Եթե որևէ մեկը հավատում է, թե Բաքվի բռնապետը ճանաչելու է 29 800 քառ. կմ ՀՀ, առնվազն մանկամիտ է». իրանագետ

«Եթե որևէ մեկը հավատում է, թե Բաքվի բռնապետը ճանաչելու է 29 800 քառ. կմ ՀՀ, առնվազն մանկամիտ է». իրանագետ
268
Երեքշաբթի, 16 մայիսի, 2023 թ., 00:36

Իրանագետ Վարդան Ոսկանյանի ֆեյսբուքյան գրառումը. «Եթե որևէ մեկը հավատում է, թե Բաքվի բարբարոսական վարչախմբի պարագլուխն, իբր, ճանաչում է կամ ճանաչելու է ինչ-որ 29 800 քառակուսի կիլոմետրանոց Հայաստանի Հանրապետություն և դրանից հետո սկսվելու է «պայծառ ապագան», ապա նա առնվազն մանկամիտ է։
Չի կարող լինել այնպես, որ, պատկերավոր ասած, բերանի մի անկյունով հայտարարես, թե ճանաչում ես դա (իմիջիայլոց, Բաքվի բռնապետը այդ էլ չի արել), իսկ մյուսով՝ բարբաջես, որ, դիցուք, Երևանի Կոնդ պատմական թաղը, որտեղ, ի դեպ, կառավարական առանձնատներն են, իբրև թե, ինչ-որ բարբարոսական «Թափաբաշի» է, ուր պետք է վերադառնան ինչ-որ անհայտ ադրբեջանցիներ։
Դա նույնն է, եթե ինչ-որ մեկը հավատա, թե ես, իբր, համոզված եմ, որ արհեստածին Ադրբեջանն ունի պատմական լեգիտիմ իրավունք տեղաբնիկ ժողովուրդներից որևէ մեկի տարածքի կամ մշակույթի նկատմամբ»:

Աղբյուրը`   Վարդան Ոսկանյան