Հինգշաբթի, 18 հուլիսի, 2024 թ.
|
Ստեփանակերտում`   +19 °C

ՔՊ-ում նախապատրաստական թեժ աշխատանքներ են. ժողով կլինի. «Ժողովուրդ»

ՔՊ-ում նախապատրաստական թեժ աշխատանքներ են. ժողով կլինի. «Ժողովուրդ»
584
Երեքշաբթի, 16 մայիսի, 2023 թ., 09:06

«Ժողովուրդ» օրաթերթը գրել է, որ «Քաղաքացիական պայմանագիր» կուսակցությունը՝ Նիկոլ Փաշինյանի գլխավորությամբ, հունիսին քաղաքական երկրորդ ժողովն է անցկացնելու Դիլիջանում:

Ժողովին մասնակցելու են կառավարության անդամները՝ նախարարներ, փոխվարչապետներ, ԱԺ նախագահը, նրա տեղակալները, հանձնաժողովի նախագահները, տարածքային կազմակերպությունների ղեկավարներ և համայնքի ղեկավարներ, ինչպես նաև հրավիրյալ անձինք, որոնց կորոշի վարչությունը:
Օրաթերթն իր ՔՊ-ական աղբյուրներից տեղեկացել է, որ թեև ժողովի օրը դեռ հստակեցված չէ, բայց կուսակցությունում նախապատրաստական թեժ աշխատանքներ են տարվում:

ՔՊ-ակաները հրավիրյալների ցանկն են հստակեցնում, ժողովի օրակարգի շուրջ են քննարկումներ անում, ինչպես նաև ժողովի անցկացման համար հյուրանոց են փնտրում:

Իշխանականները ջանք չեն խնայում, որ կուսակցության քաղաքական ժողովը բարձր մակարդակով անցնի, որպեսզի վարչության կեղծված ընտրություններից հետո Փաշինյանը գոհ մնա իրենցից:

Մանրամասները՝ թերթի համարում: