Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Եթե դա սադրանք չէր, ինչի՞ էր Աշոտ Փաշինյանն անտեր, իսկ Մարիամ Փաշինյանը 10 հատ ախրանիկ ունի». Նարեկ Սամսոնյան

«Եթե դա սադրանք չէր, ինչի՞ էր Աշոտ Փաշինյանն անտեր, իսկ Մարիամ Փաշինյանը 10 հատ ախրանիկ ունի». Նարեկ Սամսոնյան
280
Հինգշաբթի, 18 մայիսի, 2023 թ., 22:12

Աշոտ Փաշինյանն օրենքով պետք է լինի պետական պահպանության տակ՝ որպես ՀՀ վարչապետի որդի: Շենգավիթի դատարանի բակում լրագրողների հետ զրույցում նշեց «Քաղաքացիական գիտակցություն» ՀԿ նախագահ Նարեկ Սամսոնյանը:

Ըստ նրա՝ փաստը, որ Աշոտ Փաշինյանը Գայանե Հակոբյանի հետ կապված միջադեպի օրը հայտնվել է Վերաքննիչ դատարանի բակում՝ առանց որևէ թիկնապահի, լուրջ կասկածների տեղիք է տալիս, որ այս ամենը մտածված սադրանք է:

«Եթե դա սադրանք չէր, ինչի էր Աշոտ Փաշինյանն անտեր, իսկ, օրինակ, Մարիամ Փաշինյանը 10 հատ ախրանիկ ունի, դուռ բացող ունի, ջուր բերող ունի, չիշիկացնող ունի միգուցե նաև: Կներեք: Հաջորդ հանգամանքը՝ եթե Աշոտ Փաշինյանին առևանգում էին, ինչու էր ինքը նստում մեքենա: Եթե չէր առևանգվում, էլ ինչու էր իրեն մեքենայից քցում: Մենք գործ ունենք ընտանիքապետության հետ, ինչ-որ մի հանցագործ ընտանիք եկել էս պետությունը զավթել ա, բոլոր օղակները ենթարկեցրել է իրեն ու անում է կամայական բաներ, ինչ ուզում է: Բայց հանրային բարոյականության տեսակետից սա որևէ կերպ ընկալելի չէ, մարսելի չէ: Սա որևէ մեկը չի մարսելու»: